50 diwrnod i fynd!
Dim ond 50 diwrnod sydd i fynd nes i Dîm Cymru deithio i Trinidad a Tobago ar gyfer Gemau Ieuenctid y Gymanwlad.
Bydd y Gemau, sy’n cael eu cynnal yn y genedl ddwy ynys rhwng 4-11 Awst yn gweld 72 o genhedloedd ledled y Gymanwlad yn cystadlu yn 7 camp yr haf hwn.
Bydd Tîm Cymru yn cynnwys 43 o athletwyr ac 20 aelod o staff a bydd y tîm llawn yn cael ei gyhoeddi ddiwedd y mis hwn.
Dywedodd Llywydd CGGC, Helen Phillips, ‘Yn gyntaf hoffwn ddiolch i’r holl gampau am eu hymroddiad wrth baratoi’r athletwyr ar gyfer y Gemau ieuenctid. Mae chwe blynedd wedi mynd heibio ers Gemau’r Bahamas yn 2017, felly rydym i gyd yn barod i weld yr athletwyr ifanc talentog yng Nghymru yn cystadlu ar lwyfan y Gymanwlad. Gyda dim ond 50 diwrnod i fynd, hoffwn ddymuno pob lwc i’r holl athletwyr a staff cymorth yng nghamau olaf y paratoadau cyn Trinbago 2023.’
Yn 2023 bydd mwy na 1,000 o athletwyr a phara-athletwyr, rhwng 14-18 oed, o’r 72 o wledydd a thiriogaethau, yn cymryd rhan mewn cyfanswm o saith camp:
Campau Dŵr (Nofio), Athletau a Phara Athletau, Beicio (Ras Ffordd, Treial Amser a Thrac) a Thriathlon, yn ogystal â Phêl-rwyd FAST5, Rygbi Saith Bob Ochr a Phêl-foli Traeth.
Bydd athletwyr Tîm Cymru’n cystadlu ar draws 4 o’r campau; Athletau, Nofio, seiclo a Rygbi Merched Saith Bob Ochr a bydd arweinydd tîm ar gyfer pob camp. Maen nhw’n cynnwys cyn-neidiwr clwydi 400m y Gymanwlad Rhys Williams ar gyfer athletau, a’r hyfforddwr perfformio profiadol Graeme Antwhistle fydd yn arwain y nofwyr. Mae hyfforddwr Saith Bob Ochr Cymru, Jonathan Hooper yn dychwelyd i’r Gemau ieuenctid gyda thîm y Merched, gan obeithio ailadrodd hanes a dod â medal arall adref, a hyfforddwr yr Academi Rob Partridge fydd arweinydd y tîm Beicio.
Dywedodd Matt Cosgrove, Chef de Mission Tîm Cymru “Nawr ein bod wedi cyrraedd y garreg filltir o 50 diwrnod i fynd, mae’r paratoadau wir yn cyflymu. Ymhen ychydig ddyddiau bydd yr athletwyr terfynol fydd yn cynrychioli Cymru yn cael eu dewis. Yna byddan nhw’n mireinio eu hyfforddiant i gyrraedd Trinbago ar eu gorau. Mae Tîm Cymru yn rhoi’r cyffyrddiadau terfynol i’w cynlluniau i sicrhau bod popeth yn ei le i alluogi’r athletwyr i berfformio ar eu gorau. Alla i ddim aros i’w gweld nhw’n gwneud Cymru’n falch mewn digwyddiad a fydd yn ysblennydd., rwy’n siŵr.”
Gwnaeth tîm Rygbi Saith Bob Ochr Cymru hanes yn y Gemau Ieuenctid olaf yn Bahamas 2017, gan ennill medal chwaraeon tîm cyntaf erioed Cymru (Efydd) yng Ngemau’r Gymanwlad.
Bydd Cymru, ochr yn ochr â Trinidad a Tobago, Canada, Fiji a Kenya yn herio’r pencampwyr Awstralia yng nghystadleuaeth y merched.
Ers eu lansio yn 2000, mae’r Gemau Ieuenctid wedi parhau i dyfu i ddarparu cyfle unigryw i brofi chwaraeon elitaidd ar y llwyfan rhyngwladol, hyrwyddo dealltwriaeth ddiwylliannol a chreu cyfeillgarwch gydol oes ar draws y Gymanwlad.
Ychwanegodd Cadeirydd Gemau’r Gymanwlad Cymru, Gareth Davies ‘Gyda 50 diwrnod i fynd mae’n gyfle gwych i adeiladu ymhellach ar y cyffro tuag at y gemau ieuenctid yr haf hwn. Mae’n anodd credu ei bod hi’n 6 mlynedd ers y gemau olaf yn y Bahamas. I mi’n bersonol, dyma fydd fy ngemau cyntaf fel Cadeirydd Gemau’r Gymanwlad Cymru, ac rwy’n edrych ymlaen at gefnogi’r pedwar camp a fydd yn gwneud Cymru’n falch. Hoffwn ddymuno pob lwc i bob athletwr sy’n cael ei ddewis.”
Ffeithiau am Gemau Ieuenctid y Gymanwlad
- 4 -11 Awst 2023 yn Trinidad a Tobago
- Chwaraeon; Nofio, Beicio, Athletau, Triathlon, Pêl-rwyd FAST5, Rygbi Saith Bob Ochr, Pêl-foli Traeth
- Bydd 43 o athletwyr ac 20 aelod o staff mewn Tîm Cymru yn Trinbago
- Bydd 1000+ o athletwyr a dros 500 o swyddogion yn Trinbago 2023.
- 7fed Gemau Ieuenctid y Gymanwlad (Gemau cyntaf yn 2000, Caeredin, yr Alban)
- Hanes y Gemau; 2000 Caeredin, 2004 Bendigo; 2008 Pune, 2011 Ynys Manaw, 2015 Samoa, 2017 Bahamas, 2023 Trinbago
- Cafodd Gemau Ieuenctid y Gymanwlad eu cynnal diwethaf yn y Bahamas yn 2017.
- Enillodd 39 o athletwyr Tîm Cymru 13 o fedalau yn y Bahamas a chreodd y tîm Rygbi Mercher saith bob ochr hanes gan ennill y tîm Medal cyntaf i Gymru mewn Gemau i athletwyr hŷn neu iau.
- Dewis carfan rygbi saith bob ochr ar gyfer Trinbago; Trinidad a Tobago, Canada, Cymru, Awstralia, Fiji, Kenya
- Cyfleoedd am fedalau yn Trinbago 2023;
Athletau 28 medal 16-17 oed
Para Athletau 6 medal 14-18 oed
Beicio 12 medal 17-18 oed
Nofio 35 o fedalau 14-18 oed
Rygbi 2 fedal 17-18 oed