Gofynion Tendro

Nid yw’r union ddyddiadau a niferoedd yr athletwyr ar gyfer Glasgow 2026 yn hysbys ar hyn o bryd ond byddwn yn teithio yno tua diwedd mis Gorffennaf ac yn teithio yn ôl ym mis Awst. Maint y tîm yn fras fydd 150.

Rhaid i gynigion tendro gynnwys amlinelliad o sut yr ydych yn bwriadu cludo tua 150 o aelodau’r tîm, ynghyd â gwesteion, i Glasgow ar gyfer Gemau’r Gymanwlad 2026 ac yn ôl adref i Gymru ar ôl y Gemau. Bydd angen bod yn bresennol mewn cyfarfodydd yn y cyfnod cyn y Gemau, rhoi cymorth uniongyrchol mewn hybiau teithio a chymorth yn y fan a’r lle yn Glasgow.

Mae angen i gyflwyniadau tendro ddangos yn glir a fyddwch yn croesawu partneriaeth ffurfiol. Mae modd cael eich dynodi’n bartner swyddogol ac mae’r math hwn o bartneriaeth fasnachol yn cael ei ffafrio. Felly, nodwch eich asedau dewisol yn gyfnewid am y math hwn o bartneriaeth.

Gwnewch yn siŵr bod:

  1. Ffi partneriaeth a/neu gefnogaeth VIK wedi’i gynnwys.
  2. Opsiynau gwahanol ar gyfer taith y tîm i Glasgow ac yn ôl wedi’u gyflwyno.
  3. Ystyriaeth wedi ei roi i drefniadau bod y tîm yn teithio mewn nifer o grwpiau ar wahanol ddyddiadau.
  4. Cynlluniau yn cael eu cyflwyno ar gyfer grwpiau sy’n teithio o Ogledd Cymru a dau leoliad yn Ne Cymru (Caerdydd ac Abertawe).
  5. Ystyriaethau hygyrchedd wedi’u cynnwys wrth i bara-chwaraeon gael eu hintegreiddio i Gemau’r Gymanwlad.
  6. Ystyriaeth i’r ffaith bod angen cludo nifer sylweddol o fagiau ac offer.
  7. Y cymorth arfaethedig fydd yn cael ei roi wrth gynllunio teithiau’r tîm a sut y bydd y cynllun hwn yn cael ei weithredu wedi’i ddangos yn glir.
  8. Cynnig ar gyfer rhedeg gwasanaeth gwennol rhwng llety a’r lleoliadau cystadlu yn Glasgow ar gyfer gwesteion drwy gydol y Gemau yn cael ei amlinellu.
  9. Eich polisi cynaliadwyedd wedi ei gyflwyno.

Cofiwch gynnwys enwau a chyfeiriadau dau gwsmer diweddar sy’n hapus i weithredu fel canolwyr i chi; hefyd, unrhyw wybodaeth bellach yr ydych chi’n teimlo y bydd yn cefnogi eich cais.

Y Broses Dendro

  1. Anfonwch eich dogfen dendro wedi’i chwblhau, ynghyd â dogfennau ategol at Rebecca Edwards-Symmons drwy e-bost – redwardssymmons@teamwales.cymru
  • Dylid derbyn ceisiadau erbyn 28fed Chwefror 2025 fan bellaf.  
  • Bydd cyflwyniad a chyfweliad i ymgeiswyr ar y rhestr fer yn ystod mis Mawrth 2025.
  • Ar ôl derbyn tendrau, mae gan CGC yr hawl i ofyn i dendrwyr sydd wedi cyrraedd y rhestr fer drafod materion gweithredol o ran opsiynau teithio, logisteg a chostau, ond ni fydd hyn yn cael ei ystyried yn dderbyniad o’r tendr.
  • Bydd y sawl sy’n tendro’n llwyddiannus yn cael yr hawl i drafod newidiadau mewn prisiau os oes newid yn niferoedd y tîm. 
  • Bydd y tendrau a gyflwynir yn cael eu gwerthuso yn seiliedig ar ansawdd a phriodoldeb yr opsiynau a gyflwynir, y gefnogaeth a gynigir, ffi’r bartneriaeth a gwerth am arian.
  • Y Prif Swyddog Gweithredol a Phennaeth Gweithrediadau’r Gemau fydd yn arwain y broses o benderfynu. Bydd Bwrdd Cyfarwyddwyr CGC yn cadarnhau’r argymhelliad.

Rhaid anfon unrhyw ymholiadau am y wybodaeth a gyflwynir yn y ddogfen hon drwy e-bost at matt.cosgrove@teamwales.cymru