Daeth Emma Finucane â Glasgow 2026 i ben gyda medal aur arall yn Sir Chris Hoy Velodrom, gan greu hanes a sicrhau bod Tîm Cymru yn ennill medalau ar bob diwrnod o’r gystadleuaeth o ddiwrnod 1 i ddiwrnod 10.
Beicio
Roedd Emma Finucane, Lowri Thomas a Rhain Edmunds wrthi’r peth cyntaf, yn rasio yn ras Ceirin y Menywod. Llwyddodd Emma Finucane i sicrhau ei lle yn yr ail rownd wrth iddi ennill ei rhagras, tra gwnaeth Lowri Thomas hynny trwy rownd gyntaf yr ailgyfle. Ond, ar ôl damwain yn ei rhagras, ni rasiodd Rhian Edmunds eto ar Ddiwrnod 10.
Yn yr ail rownd, pwerodd Emma Finucane unwaith eto trwy ei rhagras yn y safle cyntaf i gymhwyso ar gyfer y rownd derfynol 1-6, wrth i Lowri Thomas rasio’n anhygoel yn yr ail rownd i orffen yn ail ac ymuno â’i chyd-aelod am ymgais arall am fedal. Yn y rownd derfynol, daeth Lowri Thomas yn chweched, tra bod Emma Finucane wedi parhau â’i phrofiad aur yn Glasgow, gan sicrhau ei phedwaredd fedal aur, gan ddod yr athletwr cyntaf erioed o Gymru i wneud hynny mewn un bencampwriaeth Gemau’r Gymanwlad.
Roedd William Salter, William Perrett a William Roberts i gyd yn rhan o’r rasys cymhwyso yn Ceirin y Dynion ar fore Diwrnod 10, gyda Salter yn arwain ei ragras i hawlio’r cyntaf a chymhwyso ar gyfer y rownd derfynol; roedd Roberts a Perrett yn yr un rhagras, gan gymhwyso yn y pumed a’r nawfed safle yn y drefn honno. Y rownd derfynol oedd digwyddiad olaf Tîm Cymru yn Glasgow, gyda Salter yn 14eg, Roberts yn 11eg a Perrett yn rasio’n wych i hawlio’r chweched safle.
Yn Nhreial Amser 1000m y Dynion, Steffan Lloyd oedd uchafbwynt Tîm Cymru wrth iddo ddod yn agos at yr Efydd gyda chweched safle yn y pen draw, tra bod Rhys Britton a Jonah Jenkins yn 11eg ac yn 13eg yn y drefn honno.
Roedd Anna Morris, Jess Roberts a Carys Lloyd hefyd eisiau ychwanegu at lwyddiant Tîm Beicio Cymru yn Glasgow, gan gystadlu yn ras Dileu’r Menywod. Rasiodd y tair yn wych gyda Morris yn gorffen yn chweched, Lloyd yn wythfed a Roberts yn 11eg.
Jwdo
Camodd dau Judoka olaf Tîm Cymru i fyny ar Ddiwrnod 10, gyda Josh Whitehouse yn cystadlu yn Rownd 16 +100kg y Dynion yn erbyn Yash Ghangas o India yn gyntaf. Aeth buddugoliaeth o 1-0 ag ef drwodd i’r rownd gogynderfynol lle byddai’n wynebu Giannis Antoniou o Cyprus; anfonodd y golled trwy Ippon ef i’r ailgyfle lle collodd i Paula Monta o Tonga i gadarnhau cyfartal seithfed safle.
Hefyd ar y tatami ar ddiwrnod olaf y gystadleuaeth yn Glasgow 2026 roedd Oliver Barrett, a wynebodd wrthwynebydd o Cyprus yn rownd yr wyth olaf, hefyd. Yna aeth buddugoliaeth trwy Ippon yn erbyn Aristos Michael ag ef i rownd gynderfynol -100kg y dynion, lle byddai’n mynd ymlaen i golli i Max Gregory o Loegr. Yn ddiweddarach yn y dydd, wynebodd Barrett ornest am y fedal efydd yn erbyn Franck Ulrick Tahman Zan o Cameroon ond ni allai oresgyn gwrthwynebydd anodd, gan ddod yn gydradd bumed yn y pen draw.